Kalurahan GIRISEKAR

KANURAGAN JANGKRIK NGENTHIR

Ki Subardi kang mapan ono ing Padukuhan Waru nDeso Girisekar Kecamatan Panggang Kabupaten Gunungkidul Ngayogyokarto, naliko tahun 1962 angripto sawijining seni kang lelandhesan ngelmu Kanuragan.

Sakawit lakuning seni iku mau among kairingi kanthi ketipung, kendang lan terbang.

Sinareng lakuning jaman, seni kang karipto dening Ki Subardi surut mergo akehing kabudayan monco kang lumebu ing Padukuhan Waru nDeso Girisekar Kecamatan Panggang Kabupaten Gunungkidul Ngyogyokarto, mulo ing udokoro tahun sewu sangangatus pitung puluh papat Ki Subardi kabiyantu sewelas piyantun penari lan sangang piyantun pengrawit kaleksanan nyempurnakake seni Kanuragan iku mau kanthi iringan saperangan gamelan slendro, lan ugo nglebur kanuragan dadi seni tari kanuragan utowo bela diri  ugo nyawijekake ing antarane makhluk halus utowo dhanyang  kelawan penari kang kasebut trans utowo ndadi.

Lan ing njeroning trans utowo ndadi, parogo kang nari utowo njoget kahanane ora biso kanalar wutuh amargo biso mangan Beling, paku, glugut pring, klopo, pari, wit kemadu lan liyo liyane. Ugo kanthi berkahe Gusti kang Moho Kawoso, tari Kanuragan kasebut biso gawe tetulung utowo menehi tombo marang sepodo-podo kang mbutuhake.

Seni kanuragan kasebut sakbanjure kasebut Seni Kanuragan Jangkrik Ngenthir, kawastanan Jangkrik Ngenthir amargo wektu Pendhadharan wancine wektu Jangkrik Ngerik utowo Ngenthir. kanthi iringan baku gamelan slendro gagrag Ngayogyakarto kang ka rinci ing sangang gendhing kang seje seje cengkoke.

Kang sepisan               : Gendhing utowo tari  Purmadi mujudake lakuning pambuko pendhadharan rogo

Kang kapindho           : gendhing tari rete – rete nggambarake lakuning prajurit tumuju ing perang.

Kang ka telu                : Gendhing Jorongan minongko perlambang kahanan saktengahing perang ing

  antarane perang bener anglawan luput.

Kang ka papat             : gendhing utowo tari Ijo –ijo minongko wujud pesto suko parisuko mergo biso

  sasab mbengkas  durangkoro.

Kasunyatan pangolahing roso hambabar seni luhuring budoyo satemah biso nyupeketake anggone rerukunan urip murih hayuning bawono, hayuning manungso, ugo hayuning bumi perdikan Ngayogyokarto Hadiningrat.(Sutrisna)mry.